WinWin*'s Blog

既然咁重要, 我呢期用咩方法去對付我的暗瘡呢???

是 Jan Marini 的更生活膚去暗瘡雙效修護霜 ($809/28ml)

Jan Marini 是美國頂尖科研護膚品牌之一, 率先採用水溶性維他命C (Ascorbic Acid) 於美容護膚品上，
並首個於市場上研創出高穩定性的脂溶性維他命C (Ascorbyl
Palmitate)，
結合專利技術和多種成份，在短時間內達至修護及延緩衰老的最佳效果。
於2005年，更首先在化妝品市場上推出睫毛增長精華!

其實, 我諗如果你係暗瘡肌的話, 無論有任何產品/方法, 只要成份正常, 都會一試!
呢枝更生活膚去暗瘡雙效修護霜係含有10% Benzoyl Peroxide, 算係相當高濃度啦!
OXY 都係得5%乍! 搽少少 OXY 都已經乾到粒瘡死亡~何況10%??

不過唔使驚, 因為佢除左有10% Benzoyl Peroxide之外, 仲有高濃度純維他命A (Retinol)
又加左特強保濕成份, 搽上去反而冇OXY咁乾!
睇下, 兩個泵咀分別可以按出 Benzoyl Peroxide 同埋 Retinol

搽之前記得要做好保濕, 因為雖然佢有保濕成份, 不過因為高濃度, 點都會乾少少
如果唔搽好保濕就用, 暗瘡位好易會泛紅!
擠出適當份量就可以將兩者混合啦~

我就建議用棉花棒搽上暗瘡位, 今次我唔會叫你厚敷啦,
薄薄地搽一層就夠, 千其唔好搽太多呀, 甩皮唔好怨我 XD
我當然用自己的大小暗瘡黎做白老鼠啦!
呢枝更生活膚去暗瘡雙效修護霜標榜七日KO暗瘡,
其實.....
係七日都唔使!

用左3晚已經變左印啦!
但....過左2日, 隔離又生多粒大佬!!!!!!!!!!!!!!!!
唔緊要, 再搽!!!
(見唔見到本身粒細佬既印已經淡到幾乎睇唔到?)

本來大佬又紅又腫又谷膿.............死忍唔擠唔搞佢, 搽左2晚, 今日就平左7成啦 XD
但見唔見到粒瘡下面想谷粒新的出黎? =.="
聽講枝更生活膚去暗瘡雙效修護霜可以禁住未浮面的暗瘡, 殺佢於無形
我就一於試下!

其實講到尾我d暗瘡都只係小case, 經過臨床實証, 生到成面暗瘡都可以用更生活膚去暗瘡雙效修護霜黎解決
我睇到呢d前後相都嚇一跳呢~

我當然唔希望睇緊文章的你皮膚會好像上面的相片一樣........
但如果你同我情況差不多, 又已經試過好多隻暗瘡膏, 都不妨比多少少錢試下
Jan Marini 的更生活膚去暗瘡雙效修護霜 應該幫到你!
咁大枝, 真係有排用!

Jan Marini 的產品都可以在全線千葉草, 或者各指定醫務所及美容院找到~
想要知道多一點關於 Jan Marini 的資料,
可以瀏覽 Jan Marini 香港網頁, 或者 Jan Marini Facebook ~

***

又迫大家睇左d 嘔心相, 對不起啦~~
睇到最後的您, 錫啖先 =3=