close
我真的好佩服常常分享妝文的你您妳.....
每次寫妝文前都要諗一大餐
諗定幾時影, 邊個角度影, 頭髮點整, 件衫點著.....
(因為懶, 唔想整頭又唔想襯衫, 所以我通常都影大頭就算 XD)
又唔想重覆妝容, 又想文字吸引, 又想夠實用, 又想你睇完會比個support我......
有時真係想直接了當介紹產品就算數
不過, 如果有時間, 我都想將自己的文章 present 得更好。
***
睇標題就知我今次要分享用 Sofina Primavista 化的妝容啦!!
老老實實, Sofina 的 護膚品, 幾款 Base 我都有用過
而且佢的 base 絕對係最好用 base 的五甲內
不過, 粉底就真係第一次試
因為效果實在太喜出望外, 忍唔住要出妝文詳細介紹!
↓↓↓↓ 素顏相又黎啦~
每次寫妝文前都要諗一大餐
諗定幾時影, 邊個角度影, 頭髮點整, 件衫點著.....
(因為懶, 唔想整頭又唔想襯衫, 所以我通常都影大頭就算 XD)
又唔想重覆妝容, 又想文字吸引, 又想夠實用, 又想你睇完會比個support我......
有時真係想直接了當介紹產品就算數
不過, 如果有時間, 我都想將自己的文章 present 得更好。
***
睇標題就知我今次要分享用 Sofina Primavista 化的妝容啦!!
老老實實, Sofina 的 護膚品, 幾款 Base 我都有用過
而且佢的 base 絕對係最好用 base 的五甲內
不過, 粉底就真係第一次試
因為效果實在太喜出望外, 忍唔住要出妝文詳細介紹!
↓↓↓↓ 素顏相又黎啦~
上星期素住顏去做 facial
美容院經理同我講:「你塊面係有d紅印同好乾, 冇乜大問題, 反而你對眼就弱d喇!」
咩話???? 我通常都係比人話我得對眼比較精靈,
最近接二連三咁聽到朋友上司親戚說我雙眼看起來很累......
唔通我真係老左 (又殘左) ???
所以....呢排化妝之前, 都習慣左用下面呢枝產品搞搞對眼.....
Dr.Swiss BB Anti-Puffy Eye Serum 嬰肌抗浮腫緊緻原液 ($290/9.8ml)
身邊好多朋友都覺得碌碌型的眼部產品多數得個「爽」字
實際功效通常都不太明顯
潛移默化, 我都有少少呢個感覺, 但同時又因為懶, 所以覺得碌下都好過無
呢枝眼部精華蘊含EGF美肌因子, 可以重整底層肌膚結構,
刺激膠原蛋白及細胞重生有效提升眼肌緊緻度及彈性。
而且配合氨肽、植物黃酮及Alpha橙皮苷，可以瞬間減退浮腫及眼袋。
唯一鈦金屬走珠設計, 消除眼部疲勞, 減去浮腫!
我以前以為走珠設計只係方便, 有冰涼感,
完全唔知道可以藉由對穴道施加壓力, 達到增強血液及淋巴微循環的效果
而且鈦金屬仲係最耐蝕的金屬, 高達都係用佢黎製造架乍 XD
我今朝就會用大概5秒左右的時間打圈咁碌下隻眼
涼涼地好醒神, 開頭幾日真係唔多覺有幾抗浮腫
不過用多一排就發現碌前碌後真係有分別架! 眼皮同眼袋都冇咁腫了!
有時碌完之後, 再痴雙眼皮膠紙會容易d添架!
除左消腫之外, 佢有NASHA級透明質酸
可以撫平及預防乾紋!
潤一潤對眼,就可以化妝啦!
粉紅色! 粉紅色! 粉紅色! 粉紅色!
Sofina Primavista 一向用粉紅色包裝黎吸引女生
絕對絕對絕對係一個不敗的方針
起碼佢所有粉紅色 product 包裝都勁吸引勁日本 feel!
左: Primavista Liquid Foundation UV 柔亮持久粉底液 SPF 25‧PA++ ($300/30g)
右: Sofina Primavista Face Powder 柔滑細緻蜜粉 ($ 300/15g)
聽過d朋友用過舊版的粉底液, 評語無獨有偶地,
都指舊版控油是控油, 但稍乾, 而且如果皮膚狀況差, 時間耐左好易會浮粉
而新版粉底液就標榜連肌膚狀態差的時候同都可以化一個完美的妝容!
有SPF25 PA++, 平日返工 / 室內活動夠用啦
不過因為佢太好用啦, 我唔捨得返工用呀 XD
其實令我最興奮係枝粉底液附有一個專用粉樸, 而且仲有粉紅盒仔裝住!!!!!!
咩事呀, 好貼心呀!!!!! 就算已經用舊左本身的粉樸, 你自己放私伙野入去拎出街用都得!
唔記得左影粉底液的 texture, 不過唔使影啦, 比前後圖你睇就一清二楚啦~
係咪好厚? NO!
係咪好難推? NO!
係咪好低遮瑕度? NO!
唔單止易推, 而且遮瑕度高, 夠貼薄!
你睇我 d 暗瘡印只係搽左粉底液已經遮左8成啦!
都未上遮瑕膏添呀!
最令我驚喜係佢的遮紅能力, 鼻翼位既微絲血管都遮得到!
我第一次用, 已經忍唔住即刻 share比朋友知..........
上一層粉底液已經做到呢個地步, 仲使唔使上遮瑕就自行決定啦~
但就一定要搽碎粉定妝!
連粉樸都係粉紅色, 仲有蝴蝶結......我暈喇~~~~~~
有睇開我d文章的, 都會見到我介紹親碎粉都要接近膚色, 最好有遮瑕功能
透明碎粉我從來都唔用, 因為搽完好白! 而且零遮瑕度, 用黎做乜???
但......呢盒 柔滑細緻蜜粉搽完唔白, 仲滑足一日......勁好持久度!!!!
盒柔滑細緻蜜粉搽多d都唔怕死白,
而且含有Face Lamp Powder 亮顏粉體 及 Live Pearl Powder 天然珍珠粉體兩種粉末
令皮膚看來啞緻又有自然光澤!
最令我驚喜係佢定妝能力夠高, 放工摸下塊面仲feel到滑!
打好個底, 心情都好d, 自然連眼妝都想多d變化!
原本想化個粉紅少女眼妝, 但化化下變左咁?
hehe 我電左頭髮呀! 所以唔知羞地紮條孖辮玩下....
不過影左幾張頂唔順就拆左喇 XDDDD
呢個眼妝好簡單.....
又係簡單到爆炸的方法, 簡單到唔好意思講出黎 :
(請忽略我勁明顯的膠紙XD)
1. 上眼皮掃上深粉紅眼影
2. 下眼睫毛後半部份掃上橙紅眼影
3. 痴上假睫毛, 要比眼睛稍長一點
4. 把下假睫毛剪開一半, 貼在眼珠下方
我介紹得既係咪都超易? XDDDD
無漸變無技巧都得!
放在中間的下假睫毛絕對是使眼睛變超大的原因!!!
而且....而且....還可以把眼下黑眼圈的地方蒙混過去 XDDDDD
裝可愛必備唇色! 我也用了 Sofina 的 Aube Couture!
顏色是我很少很少用上的 BE793 - 杏色系!
稍為明亮而且可以輕易遮蓋原本唇色~
胭脂就用比較淺的淡粉紅吧!!
搽得稍低一點, 可愛感 UP!
這角度臉變得好小 XDDDDDD
整個妝容都是粉紅, 粉紅 和粉紅, 但, 不會感到很over, 對嗎?
Sofina Primavista 的底妝產品絕對記上一功, 足足10小時的持妝能力,
我平常中午就已經要用紙巾印 t字位的油
但現在.....放工也沒有泛油, 控油力好強! 好變態!
變態在於佢控油得黎完全唔乾.....
我冇完美穩定的皮膚, 但用佢地上底妝....真係可以接近完美!
希望你會喜歡我今次分享, 也希望你會試下呢d產品, 呢種化法~~
.
.
.
.
最後送上「中間分界, 心理變態」一張 XD
特別鳴謝假瀏海小姐的友情客串 XD
♥♥♥♥♥
♥♥♥♥♥
謝謝 !
全站熱搜
留言列表
